Bə Avrasiya Şanxay uzvon miyono rabitəon hevujətiro, İron və Pokistoni zərfiyət

Pokistonədə İroni səfir votışe: Tehron və İslomabad karde bəznen bə Avrasiya şərği dəçokney bəy təbdil bıbun iyən ım zərfiyətiku Şanxay uzvon miyono marzi bəpey rabitəon hevujətiro istifodə kənən.

Bə İrna raporti əsos, İslom Abadədə Şanxay həmkoəti təşkiloti uzv bıə kişvəron devləton rəyison iclosi bərpo bey astanədə, Pokistonədə İroni səfir Rıza Əmiri Muğəddəm əlovəş kardə: bo Avrasiya və Şərği kişvəronro Şanxay qıləy vey muhimmə təşəbbus bə hisob omeydə ki çəy kənoədə bə mıştərəkə mənafe dast peydo kardey və de mıştərəkə behranon muğabilə karde zuş heste.