Virtual aləmi ziyonon

Virtual aləmi ziyonon

Bəle,virtual məkon bə hırdənon iyən nevcıvonon inzivo iyən təcridi boyis beydə.hırdənon iyən nevcıvonon ıştə ziyodə zəmonon virtual məkonədə dəvordıneydən və ın virtual jimon boəvon veyə attraksionon və cəzzobiyyətış heste ki,səbəb beydə əvon ıştə vaxton çe xıyzon iyən duston kəno dəvordıney əvəzi,meylışon heste ki,coyli ıştə vaxton sərf bıkon.

Bə virtual məkoni ğərğ bey iyən bın sferadə de çandə qılə klikon ıştə umri dəvordıney boyis beydə ki,  hırdənon iyən nevcıvonon qədə-qədə ıştə de cokəson diyaloq və irtiboti çe dasto doydən.əve əv,çe aylə ya duston cəmədə ğərol qəteyədə,həni meylış ni de iştimoiyyəti qıləy rabitə bıbasto və tərcih doydə ki, deştə mobil telefoni və ya deştə təblet ya notbuki ıştə sə qamko.

Imrujnə virtual həyot bo hırdənon iyən nevcıvonon veyə attraksionon və cəzzobiyyətış heste.joqo ki, əvon ıştəni yali ıştə bəş bastə bıə otağonədə həbs kardedən ki,ım həm bə xıyzonon əsliyə norohətəkə çiyonku qıləyni təbdil bıə və bə valideyni veyə səyon rəğmən,əmmo hırdənon iyən nevcıvonon çe coyliyəti və virtual məkoni inzivo iyən izolyasiyəku xari beyışon piyedəni…..

Isət əmə bə çın məsələ səbəbon işorə kardedəmon ta dıminə parsemoni cəvob bıdəmon.qahi zəmon hırdənon iyən nevcıvonon bə virtual məkoni pənoh bardey dəlil sırfən çın fəzo cəzzobiyyət ni,bəlkəm ın sinnədə bıə hırdənon cəhd kardedən ıştə emosiyonal iyən hissi təyətiyon virtual aləmədə çəy əvəzi beşon.hırdənon iyən nevcıvonon ki,ıştə valideyni tərəfiku qıləy dığğət vindedənin,adətən virtual məkoni bənə qıləy pənohqo iyən dəvitiyə vırə intixob və səçın kardedən ta deştə bın fəzoədə bıə huzur iyən iştiroki vositə vindey bıbon iyən bəvon dığğət kardy bıbu.ə fərzəndon ki,bənə de koy məşğul bey və ya xıyzoni muşkiloton və sayirə mıxtəlifə dəlilon xoto,deştə valideynon kamə rabitəşon heste,səy kardedən ta de virtual aləmədə duston pəydo kardey ıştə vaxton deəvon dəvordınon və deəvon qəp bıjənon.

Co tərəfiku həm qahi vaxton hırdənon iyən nevcıvonon bə kə iyən ayləvi təzyiğon xoto,bə virtual məkoni səmt dim qəteydən.ikəs ki,ıştə kə iyən xıyzoniku fərol kardedə və təsəvvır kardedə ki,ıştə aylə tərəfiku dərk beydəni,deştə virtual aləmədə bıə iştiroki,çe fərd ya fərdon dumoye ki,əvon əy dərkkon və boçəy problemon məseyro qıləy çokə əməs bıbon.

Məələsəf jıqo qıləy şərayitədə mumkine hırdənon iyən nevcıvonon bə mənfəət tələbə fərdon tori dılə eqınon.ə fərdon ki,zohirədə ıştəni bənə qıləy dusti nışon doydən,əmmo həyğətədə çəvon sədə bo həmonə hırdənon iyən nevcıvonon qıləy yavə plan və xəritəşon kəşə….