Bə İroni əleyh çı Mınofiğin terroristiyə qrupi tojə iddio.

Mınofiğin nomo bıə terroristiyə qrup ujnən İroni ətomiyə sulhinə bərnomə barədə tojə be əsosə iddio və be məno sıxanon bəyonış kardə.

Bə İrib raporti əsos Vaşinqtonədə Mınofiğin nomo bıə terroristiyə qrupi tojə iclosədə ijən İroni ətomiyə təvafuği bəpeştə bə İroni fəaliyəton diyə kardero iddio kardə: İron hali hazirədə Mudafiə Təhğiğon Təşkilatdə ətomiyə silohon soxtedə.

Çı Mınofiğin terroristiyə qrupi ım iddio bə nav Amerkə xarıci vəzir həm iddioş kardə bıə: de İroni ətomiyə təvafuğ ıştə hədəfon əməli kardero məğlub bıə ijən ətomiyə təvafuğ meydoni bo İroni hozzoş kardə tikəy di bənə qıləy ətomiyə kişvər bıbu.

Mınofiğin terroristiyə qrup çımiku bə nav həm İroni ətomiyə bərnoməon barədə çandə be əsosə iddio binoş kardə bıə ki de i bıə milləton təşkilati ijən ətom enerji beynəl xalğiyə təşkilati diğğəti bəştə tərəf cəlb karde həmonə ətomiyə bərnoməonədə bıə hərbiyə iddio bıə fəaliyəton barədə təhğiğ və təğib proyekti binoş kardə, ım iddio oxo sə rəd bıə.

Vey təəsufinə hadisəy ki ğərbi kişvəron əcumlə Amerkə bə Mınofiğin terroristiyə qrupi iddio xoto İroni muxtəlifə mıvzoon barədə təhlil və diğğət kardedə.