Tehron-Boku miyono mıştərək əloğəon inkişof

İroni Yolə Rəhbəri nımoyəndə iyən İroni milli əmniyət ali şura sərkatib Bokuədə de Azərbaycan Respublika prezident İlhom Əliyevi vindımonış karde.

Bə Səhab kanali raporti əsos, həminə vindemonədə 2 tərəf bə siyosi, əmniyəti, mudafiyə iyən iğtisodi baxşonədə əloğəon inkişofi xususi enerji və karidoron sahədə təkid kardışone.

Azərbaycan Respublika prezident İlhom Əliyev de bə İron iyən Azərbaycan Respublika miyono bıə mıştərək dini, torixi və sivilizasiya cəhəto noğtəon 2 qələ kişvəri miyono dəvardə 30 sori mıddətədə bıə rabitəon çok zınəş be.

Əv bə Şimol-Cənub karidoriku iyən Fars dıyo ğabeliyətiku çı Ağbənd royku Azərbaycan Respublika ticori istifodə təkidış karde.

İroni Yolə Rəhbəri nımoyəndə iyən İroni milli əmniyət ali şura sərkatib Əli Əkbər Əhmədiyan həm ın vindemonədə çı İron iyən Azərbaycan Respublika miyono bıə mıştərək iğtisodi kamissiya iclosi dəvoniyeyku xəbəş do.

Əhmədiyan ıştə reqiyonal səfəri dəvomədə ımruj bə Erməniston varid be.