Ğərbədə anti sionist mitinqon çı İlohi irodəon oşko bey nımunəy

İroni Yolə Rəhbər çı İroni kəşfiyot vəzorətxonə koəkəyon cəmədə hamyəşone: kəşfiyot təşkilotonədə ko kardə kəson bəpe bə təzkiyə iyən əxloği və mənəvi məsələon diğğətışon bıbu.

Həzrət Ayətullah Xameneyi kəşfiyot vəzorətxonədə bıə inğilobi ruhiyə bənə ın koəkəyon imtiyaozi zınəş be və təkidış karde: jəğo ki ın vəzorətxonə ğədimi koəkəyon və zabiton inğilobi əməl kardışone, tojə varid bıə cıvonon həm inğilobi roədə hərəkət kardən ki ın qıləy yolə nemət bə hisob omeydə.

İmom Xameneyi ımsornə sori Bəhmənə manqi 22 minnə ruji yolə aksiyaədə iştiroki və anədə dışmenon xəbisə koon jintonədə cıvonon və nocıvonon bə meydon varid bey iyən bə səhnə omey çı Pərvərdıqore aləmi irodə nışonə bə hisobışon varde və çı İroni inkişofi zəminə zınəş be və votışe: İlohi irodə oşko bey coqılə nımunə Avropa iyən Amerkədə bə sioniston zidd bıə aksiyaon dəvoniye iyən Fələstin millətiku umum iştimoiyəti himoyəon veyə əlovəonin.