İroni Pokistonədə bıə terrorə aktış məhkum kardə

İroni Pokistonədə bıə terrorə aktış məhkum kardə

İroni Pokistonədə bıə terrorə aktış məhkum kardə

İroni Xarici Koon Vəzirəti sıxanəvot çe Pokistoni Pişavər şəhri Darul Ulum Həğğani məçitədə cımə nımoji zəmon de veyə rəğəmədə bıə dindori maq və zəxmin bey bə oxo rəsə terrorə aktış məhkum kardə.

" Pars Tuday” bə İRNA istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi çe Pokistoni Pişavər şəhri Darul Ulum Həğğani məçitədə cımə nımoji zəmon veyə mığdorədə bıə dindori maq və zəxmin bey bə oxo rəsə terrorə aktış məhkum kardə.

Bəğayi bə ğıboniyon xıyzonon,bə Pokistoni hukuməti və bəçəy xalği səbəsəloməti doə holədə, zədəjə bıəkəson vey rə ço beyış oruzu kardə.

İroni Xarici Koon Vəzirəti sıxanəvot çe İron İslom Respublika bə terrorizm və hoziyəti ekstremizmi har cur forma və təzahuron de ğətiyyəti məhkum kardey prinsipiyal mevğey təkid kardə holədə votəşe:çın çırkinə fenomeni vəy qətey və deəy mıborizə bardey,çe reqiyoni qırd kişfəron həmkoəti və koordinasiya və deçəy bə əməl vardə kəson,çəy himoyədoron və təşkilotçiyon ələyh dəvominə mubarizə tələb kardedə.

Bə İRNA doə məlumoti əsos,isfəndi 10-ə ruji cımə ruji Pokistoni polisi çe kişfəri şimol-ğərbədə qıləy dini mərkəzədə cımə nımoji zəmon zumandə kamikadze tıpemoni bə əməl omeyış bəyon kardə.

Bəyon kardey bıə ki,bın kamikadze hucumi zəmonədə de bombə tıpemoni Xeybər-Paxtunxəva əyolətədə vağe bıə Əkure Xətək şəhri bənə Həğğaniyə icmo zıney bıə dini elmon mərkəzədə bə əməl omə.