İslomi İnğılobi Yolə Rəhbər:Ğərbi dıcurnə standarton bə İslomi erjon zidde

İslomi İnğılobi Yolə Rəhbər:Ğərbi dıcurnə standarton bə İslomi erjon zidde

İslomi İnğılobi Yolə Rəhbər:Ğərbi dıcurnə standarton bə İslomi erjon zidde

İslomi İnğılobi Yolə Rəhbər çe İron İslom Respublika sistemış çe Ğıroni əsos və ideyalon,kitob və sınnəti meyar və hədəfonış zıne və voteşone: Şımə bə Ğərbi prinsip və meyaron peştıpur bey əzıniyon,çunki ım, bə İslomi erjon zidde.

İslomi İnğılobi Yolə Rəhbər Həzrət Ayətullah Xameneyi şanbə ruji de devləti rəhbəron və de kişfəri mıxtəlifə səviyyəynə i qrup koəvon iyən mudiron didoədə bə ğərbıvıjon mıstəmləkəçi hərəkəton, milləton sərvəton çəpavul kardey,hevujə kutləvi ğətlon,insonə həxon iyən jenon həxədə bıə duyə iddiyon və de dıcurnə meyoron anqıl duyə iddiyon əloğədor bə Ğərbi mədəniyyəti rısvoyçətiş təkid karde və voteşone:Ğərbi ozodə məlumoton sıvoy du co çi ni.bə ğərbi ayid virtual məkonədə çe şəhid Sərdor Suleymoni,çe şəhid Seyid Həsən Nəsrullah,çe Şəhid Həniyyə və bəzi co nomdorə şəxson nomon kəşey imkon mevcud ni və bə seoniston Fələstin iyən Livanədə bıə cinoyəton etıroz kardey nibəbe.

Ə həzrət ,çe ğərbi mediya de İroni vəzyəti anqıl duyə xəbonış bə yod dənoe və voteşone:çın mediya kom qıləyniyədə çe elmi tərəğği,dıjdə iştimoiyyət və çı İslomi millət və İslomi nizomi səbarzətiyonku bəhs kardey beydə?qıləy holədə ki,əvon zəyifə noxtəon da dəfə dıjd kardedən.

Həzrət Ayətullah Xameneyi bə İroni bədxahon qırd mənfi təbliğoton rəğmən,çı milləti veyə səbarzətiş qıləy realə məsələş zıne və voteşone:Əqər sistemi məsul şəxson çe nizomi hoviyyət iyən şikili nığo bıdon,oqəton və dısırstə ro bışon,ım bo bəzi milləton və hətto bo kali kişfəron devlətə xadimon həm nımunə bey bəzıne.

İmom Xameneyi:Mığobil tərəfi mızokirəon təkror kardeyədə bıə məğsəd,iştimoyi fik və rəyonədə təzyiğ icod kardeye.

Ayətullah Xameneyi çe İroni Xarici Koon Vəzirəti fəolətiku ıştə roziyəti ifodə kardə holədə,bə de hamsuyə və co kişfəron dı tərəfinə rabitəon hevuj kardey ko təkid kardeşone və voteşone:“Bəzi hukuməton və xarici ğoldorə şəxsiiyyəton bo mızokirəro isror kardedən,və holınki,çəvon mızokirə kardeyədə bıə məğsəd problemon həll kardey ni,bəlkəm çəvon nəzədə bıə ıştə tələbon tətbiğ kardeyro bıə səyone. Əvon iştimoyi fik və rəyonədə təzyiğ icod kardeyro,əks tərəfi bo diyaloq və votemonon təkror kardeyro bıə məğsəd hisob kardedən ki,ehyanə ğəbulış karde vey çok.əmmo əqər ğəbulış nıkarde qıləy skandal icod kardedən və əks tərəfi de mızokirə mizi tərk kardey  mıttəhəm kardedən.

Ə həzrəti hamyeşone:Mığobil tərəfi mızokirəon təkror kardeyədə bıə hədəf və məğsəd,iştimoyi fik və rəyonədə təzyiğ icod kardeye və çəvon dılışon heste iştimoyi fik və rəyonədə qıləy şubhə icodkon ki,boçi deçəvon hozzıəti bə ico,ijən İron bo mızokirəro hozzı ni.qıləy holədə ki,çəvon hədəf hukmronəti ,ıştə mənafeyon diktə kardey iyən zu tətbiğ kardeye.

Həzrət Ayətullah Xameneyi bə seqlə Avropa kişfəron çı İroni AMFP-ədə bə nuvə ehdəmonon əməl nıkardey barədə bəyonoti işorə kardə holədə əlovəşon karde:bəpe çəvonku dəparsey bıbu ki,şımə çe AMFP-i kom ehdəmonon bə vırə rosneyone? əvon çe sıftənə rujonku bəştə ehdəmonon əməl nıkardeşone və Amerkə çı AMFP-iku xaric bey bədiqə,boəy kompensasiyə kardero ıştə ehdəmonon bə vırə rosneyro doə sıxanon rəğmən,dı kərə ıştə doə vədiku beşin.

İslomi İnğılobi Yolə Rəhbər çı avropəvıjon bədəhdiyon və eyni holədə İroni sazişi darıştəyədə mıttəhəm kardey,çəvon behəddədə bıə behəyoəti  əlomətış zıne və əlovəşon karde:devlət i sor bə həmonə vəzyəti tov vardey bədiqə,peso İslomi Şura Məclis bə meydon daxil be və qıləy ğərolış bekardeki,ğərəz ımi co qıləy ro mevcud nıbe və ısət həm mığobil tərəfədə diktə kardey iyən zu tətbiğ kardey co qıləy ro mevcud ni.