İroni çe İsveçi səfirış vanq jeyə

İroni çe İsveçi səfirış vanq jeyə

İsveçi İron İslom Respublikədə bıə səfir çəy kişfrəi rəsmiyon bə İroni zidd nodırıstə bəyonoton etıroz kardey xoto bə Xarici Koon Vəzirləti vanq jey bıə.

Pars Tudey bə İRNA istinodən doə məlumoti əsos,İron İslom Respublikə Xarici Koon Vəzirəti çe İsveçi bəzi rəsmiyon bə İroni zidd nodırıst və mudaxiləkə mevğeyon cəvobən çe İsveçi tehronədə bıə səfir Matyas Oterşed çe Ğərbi Avropa seminə idorə rəhbər Şəhram Ğazizodə tərəfiku bə Xarici Koon Vəzirəti vanq jey bıə və çe İroni rəsmi etırozışon bəy rosnə.

Ğərbi Avropa seminə idorə rəhbər bın vanqi iclosədə çe İsveçi təhsil vəziri bə İron İslom Respublikə zidd bemənoə bəyonoton və beəsos iyən mudaxiləkə ittihomon tənğıd kardə holədə,çın bəyonoton bə beynəlxalğə hğuği standarton və bə diplomatikə norməon ziddış hisobış karde və çı İsveçi hukumət jəqo qıləy məğamədə ni ki,çe co qıləy devləti ğanuni onepni funksiyə bə sıvoli ji bıbo və komilə surətədə cinoyətış isbot bıə qıləy cinoyətko mıdofiyəko.

Ğeyd kəmon ki,İsveçi Xarici Koon Vəzirəti cımə ruji çe İroni bın kişfərədə bıə səfirış de casusəti ittihom bıə Əhmədrza Cəlali ozodəti tələb kardey nomi vanqış jeyə.

İsveçi peşo elonış kardə ki,bə humanitarə əsoson Cəlali dərhol ozod kardey və bəçəy tibbi koməqi dərhol dast rəsəti tələb kardedə.

İsveçi Xarici Koon Vəzirəti ijən həm bə  maqi hukmi əleyh beşey beyış bəyon kardə və bə çın şəxsi ələyh bekardə bıə hukmi icro nıkardeyış tələb kardə.