Ərəbi torıxi seriyalon beovandəti

Ərəbi torıxi seriyalon beovandəti

Səudiyyə Ərəbıstonədə nəşr bıə “Ukaz” qəzeti mıəllifi nıvıştəşe:Bə ərəbi torıxi seriyalon dıjdə sərmoyəon rəğmən,təmşoəkəyon cəlb kardeyədə de beovandəti  dimbədime.

Ravi Əl-Ərəbiyyə Teleqrami kanal “Ukaz” rujnomə səudiyyəvıjə ənıvışt Buşra Əs-Səbayi təhlilə nıvıştemonədə çı Ərəbi torıxi seriyalon beovandətiku bəhs kardə holədə nıvıştəşe:Bə ərəbi torıxi seriyalon dıjdə sərmoyəon və bə xarici texniki eksperton istifodə rəğmən, təmşoəkəyon cəlb kardeyədə de beovandəti dimbədime.

Ukaz qəzeti muəllifi nıvıştəşe:çımi mığobilədə istehsol bıə ğeyri-ərəbə tırkə torıxi seriyalon de surəti bə inkişof kardə beynəlxalğə vıjori malike.

Əs-Səbayi təkidış kardə ki,ərəbi torıxi seriyalon beovandəti əsosə səbəb,çın seriyalon bə muasirə məsələon bə isə əks bey həddiku ziyodə etıbo kardey,əvoni bə təbliğoti əsəri təbdil kardey və çəvon torixi etibo məhv kardeye.

In səudiyyəvıjə ənıvışti ğeydış kardə:Ərəb və ğeyri-ərəbə seriyalon miyono əsosə farğ,bo muasirə siyosi məğsədonro pesoxtə bıə hikoyən təğdım kardeye;qıləy holədə ki,torıxi fantaziya qıləy ovandəti həm pəydo kardey bızıno,əmmo çe ərəbə torıxi seriyalon universal cəlbəkətiş ni,çunki çəvon təbliği iyən təlimi nəzə,bə qlobal təmşoəkəyon de ərəbə mədəniyyəti anqıl interesi cəvob doey mane beydə.

Oxonə zəmononədə çe Əməvi xəlifə həyoti bo İrağədə dini ziddiyyəti icod kardey ehtımoli xoto və Misrədə bə mığəddəsə şəxsiyyəton təsviri xoto ğədəğən bıə “Muaviyə” nomo seriyal pevolo kardey bıə.

Ərəbi dınyo həmməysə boho ğıymətinə seriyal bıə və çe Muaviyə jimoniku bəhs kardə “Muaviyə” nomo seriyal veyə İslom kişfəronədə bə etırozi səbəb bıə.