İroni Xarici Koon Vəzir bə Ğəzzə tanqədə qenosidi oqətey təkid kardəşe

Mar 31, 2025 04:38 Asia/Tehran

İroni Xarici Koon Vəzir Ğəzzə tanqədə tuməbıri oqətey və seonist rejimi bə Livan və Suriya ələyh dəvominə təcavuzi navi qətey,həmçinin çı Amerkə bə Yəməni təcavuzi oqəteyro bə reqiyoni kişfəron de koordinasiya bıə fəoliyyəti dəvom doey təkid kardəşe.

Pars Tudey bə İRNA istinodən doə məlumoti əsos,İroni Xarici Koon Vəzir Seyd Əbbos Ərağçi de Misri Xarici Koon Vəzir Bədr Əbdul Ati bıə telefonə qəpədə oxonə dı haftə ərzədə reqiyoniku bə kəno və de reqiyoni mıxtəlifə məmləkəton bardə diplomatikə məsləhəton istinod kardə holədə,Ğəzzə tanqədə qenosidi oqəteyro bə reqiyoni kişfəron de koordinasiya bıə fəoliyyəti dəvom doey təkid kardəşe.

Misri Xarici Koon Vəzir həm bo Ğəzzə tanqədə otəşvəsi bərporo çəy kişfəri de mızokirəon oxonə vəzyəti anqıl hisobotış təğdım kardə və reqiyonədə bo noəmni şiddətin bey vəy qəteyro bə diplomatikə səyon dəvom doey təkid kardəşe.