Rusiyə:Əmə nuvə sazişi bə dast vardeyədə bo praktiki iştiroki hozzımon

Rusiyə:Əmə nuvə sazişi bə dast vardeyədə bo praktiki iştiroki hozzımon

Rusiyə:Əmə nuvə sazişi bə dast vardeyədə bo praktiki iştiroki hozzımon

Kremli sıxanəvoti elonış kardə ki,Rusiyə lozım bıə surətədə,əlovə nuvə vəşemoni bo İroniku xaric kardeyro hozzıye. Kremli sıxanəvot Dmitri Peskov elonış kardə ki,Rusiyə lozım bıə surətədə,əlovə nuvə vəşemoni bo İroniku xaric kardeyro hozzıye.

Peskovi bə jurnaliston votəşe:Lozım bıə surətədə,tikror kardedəm,iyo izoh doeyro vey vocibe ki,lozım bıbu,əqər tərəfon məsləhət bızınon,Rusiyə bo jıqo xıdməton nışon doeyro hozzı bəbe.Kremli sıxanəvot çe Rusiyə de İroni atomi problemi həlli koyədə iştiroki mumkinəti əloğədor votəşe:Moskva de Tehroni qıləy dəvominə rabitəş heste. Rusiyə beynəlxalğə onemonədə bıə nımoyəndə bo İroni uranı qəncin kardeyro bə ğanuni həxı soyb bey təkid kardəşe. Həmçinin çı Rusiyə Vyanədə vağe bıə beynəlxalğə təşkilotonədə bıə nımoyəndə Mixayil Ulyanov bə Əl-Mayadin şəbəkə bıə musahibədə təkid kardəşe:Rusiyə bo İroni atomi problemi de siyosi həlliro bo Tehron iyən Vaşinqtoni miyono vositəçi kardero hozzıye.Ulyanovi əlovəş kardə:İron bə Nuvə Silohon Pevolonıbey Mığovilə uzv bey xoto bo urani qəncin kardero qıləy tam iyən komilə həxış heste.