Ğalibaf:israyili rejimi hərəkəton nasistə cinoyəton bə yod vardedə
Ğalibaf:israyili rejimi hərəkəton nasistə cinoyəton bə yod vardedə;Avropa bə İroni zidd sanksiyaon bərpo kardey səlohiyyətış ni
Ğalibaf:israyili rejimi hərəkəton nasistə cinoyəton bə yod vardedə;Avropa bə İroni zidd sanksiyaon bərpo kardey səlohiyyətış ni
Pars Tudey-İroni İslomi Şura Məclisi sədr bə beynəlxalğə huğuği normaon rioyəti mevzuədə bərpo bıə iclosədə çe israyili rejimi Ğəzzədə kardə hərəkətonış nasistə cinoyəton bə yod vardə cinoyətış hisob kardə.
İroni İslomi Şura Məclisi sədr Məhəmməd Bağır Ğalibaf seşanbə ruji Cenevrədə bərpo bıə Dınyo Parlamenton Sədron VI Konfransi çərçivədə dəvordınə bıə beynəlxalğə sulh və əmniyyəti təmin kardero bə beynəlxalğə huğuği və bə İMT Nizomnomə rioyət kardey dayir iclosədə votəşe: Ğəzzədə cinoyət fəğət qıləy reqiyonal behron ni,bəlkəm bo həmmə dınyoro qıləy təhlukə zanqe.
Bə "Pars Tudey " məlumoti əsos,Ğalibafi əlovəş kardə:sehyonist rejim jıqo qıləy rejime ki,de qıləy xunsardəti iyən bə plani əsos,çe torıxi bənə vey dəhşətinə cinoyəton kabuson bə çəş çiyə cinoyəti bə həyot dəvordıneydə.
Ğalibaf israyili rejimi Ğəzzədə kardə hərəkətonış bənə nasistə cinoyəton bə yod vardey ifodə kardə holədə əlovəş kardə:"Bə israyili zidd mandeyədə bı har qıləy ləzə təxir,çe 21-ə əsri nasiston cinoyətonədə şərik bey mənoədəy.əqər 21-ə əsri nasiston Ğəzzədə ğalib boon,ım otəş bə dınyo diqər məntəgəon həm pevolo bəbe".
