2 qılə İronıjə kamandaon bə Asiya fitbol çempiyonati tojə mərhələ ovaştin.

İroni İstiğlale Tehran və İstiğlale Xuzistan kamandaon zinə şəv ıştə qruponədə hənəkon oxonə haftədə muvəffəğ bən de çokə nəticəon vasitə bə Asiya fitbol çempiyonati tojə mərhələ bırəsin.

Zinə şəv İroni Tehran şəhri İstiğlal nomo bıə kamanda ıştə oxonə hənəkədə Ğətərədə de Ərəbistoni Əltəavon nomo kamanda hənəkəş dəvoniyə ijən oxo de 2 bə 1 bə səbarzəti rəse.

Tehroni İstiğlal kamanda ıştə qrupədə 2 minə vırəş kəsb kardə ijən omə mərhələdə bəbe de İ Bıə Ərəbon Əmirəti Əleyn nomo bıə kamanda mısobiğəş bıbu.

Co qılə hənəkdə həm İroni Xuzistan ostani İstiğlal həm İ Bıə Ərəbon Əmirəti Əlcəzirə nomo kamanda vədə bə sabarzəti rəse ijən de 2 minə vırə kəsb karde omə mərhələdə bəbe de Ərəbistoni Əlhilal mısobiğə bıdə.

Ğeyd kəmon ki pəynə şəv həm həminə rəğabəton çərçivədə İroni Perespolis nomo kamanda həm de Əlvəhdə kamanda barde bə Asiya çempiyonati omə mərhələ ovaşteyro bə muvəffəğiyət rəse.