İron:"Troyka” sanksiyaon bərpo kardey səlohiyyətışon ni.
İron:"Troyka” sanksiyaon bərpo kardey səlohiyyətışon ni.Avropa:Əmə İroni nuvə problemi bə de diplomatikə həlli roy sadığimon
İron:"Troyka” sanksiyaon bərpo kardey səlohiyyətışon ni.Avropa:Əmə İroni nuvə problemi bə de diplomatikə həlli roy sadığimon
İroni xarici koon vəzir Avropa seqlə kişfəri bə snapbak mexanizmi dast ğandey xoto,qıləy huğuği və mənəvi həxı nıbey təkid kardə holədə,jıqo qıləy hərəkəti nəticəon barədə xəbərdorətiş kardə.
Yolə Britaniya,Fransa və Almaniya xarici koon vəziron de Avropa İttifoği umumi xarici siyosət və əmniyyəti siyosəti sahədə ali numayəndə bəico de İroni xarici koon vəzir Seyd Əbbos Ərağçi telefonə qəpışon jeyə.
Pars Tudey bə İroni Devlətə Televiziyə Aqentəti istinodən doə məlumoti əsos,bın telefonə qəpədə de İron İslom Respublika de snapbaki mexanizmi anqıl mevğeyon və bın mevzuədə çe Avropa seqlə kişfəri və Avropa İbemoni məsuliyyəton izoh kardey bıə və çı İroni xarici koon vəzir bə çın kişfəron bə ın mexanizmi dast ğandey həxon və mənəvi səlohiyyəton nıbey təkid kardəşe.
Ərağçi təkid kardəşe:İron İslom Respublikə çoko ki,ıştənimudafiyədə qıləy zumandə hərəkətış karde,hiç vaxti həm çe diplomatiya royku dastış kəşəni və bo İroni xalği huğuği və mənafe təmin kardə bo har qıləy diplomatikə həlli roy hozzıye.
Avropa tərəfon de bə diplomatiya veyə vaxt doey məğsədi 2231 rəğəminə ğətnomə mıddəti dıroz kardey ideya cəvobən,İroni xarici koon vəziri bəyonış kardə:Im,çe İbıə MillətonTəşkiloti Əmniyyət Şura əsosən ğəbul kardənin bıə qıləy ğərore;İron İslom Respublikə həm bın məsələdə bəştə prinsipiyal mevğeyon və nəzəon malik həm bıbu,bın prosesədə iştirok kardedəni.
Ərağçi votəşe:Eyni zəmonədə İron deştə Əmniyyət Şuradə bıə duston jıqo qıləy qəmi təsiron və ayəndə roon həxədə məsləhət bəkarde və fiki mubadilə bəbarde.
Bın telefonə votemonədə Avropa seqlə kişfəri və Avropa İttifoği Ali Numayəndə ijən həm çe Avropa kişfəron bo diplomatikə həlli roy pəydo kardero bəştə hozzıətişon təkid kardə.oxoyədə bə ğəror omən ki,İroni de Avropa seqlə kişfəri və de Avropa İttifoği bıə votemonon omə haftə seşambə ruji çe xarici koon vəziron muavinon səviyyədə dəvom doey bıbu.
