Ukrayna canqiku bo AİŞ silohi şirkəton dıjdə bəromə

Muharibə fəğət qıləy dıjdə siyosi,ixtisodi və sosyal təsirış nıbe,həmən bə siloh və hərbi texnika tələbotış ziyodış karde.ım tendensiya bo AİŞ silohi şirkəton qıləy dıjdə bəromə bə dast vardey imkonış doə.

Bə siloh iyən hərbi texnika tələboti ziyod bey çı Ukrayna canqi əsosə nəticəonku qıləyni bə mıosirə silohon tələboti əhəmiyyətinə dərəcədə ziyodətiye. Ğərbi kişfəron,xususən həm AİŞ bə Ukrayna dəvominə formədə hərbi koməqon kardedən.Bə ın imdodi mıxtəlifə silohon,ə cumlə həm təyyorəon,rəketon, tankon,zirehinə texnikaon,həvo hucumiku mudafiyə sistemon,sıvık və nimə sanqinə silohon və diqər modernə hərbi sursat və təchizoton daxile.ım tendensiya bə Amerkə siloh şirkəton bəroməon əhəmiyyətinə dərəcədə vey bey səbəb bıə.Bənə Lockheed Martin,Raytheon,Boeing,General Dynamics və Northrop Grumman bıə şirkəton AİŞ-ədə çın telıə fırsətiku istifodə kardə həmməysə dıjdə silohi istehsolçiyonin.