Afrikada bə Fələstınıjon nuyə dastəki ləpə

Bə Fələstınıjon nuyə dastəki ləpə və Afrikada israyili məhkum kardey

Afrika kişfəron xalği və lideron bə Fələstınıjon nuyə dastəki ləpədə çe israyili cinoyətonışon məhkum kardə.Mərakeşi mərdum bo Səmud dıyo flotiro dastəki numayişiş dəvordınə.

Bə Pars Tudey doə məlumoti əsos,Afrika veyə məmləkətonku insonon bo Fələstınıjon hevujə şikilədə himoyə kardero numayişon bərpo kardəşone və eyni zəmonədə çe israyili Ğəzzə canqi vaxti bə çın tanqə sakinon ələyh bemislə cinoyətonışon məhkum kardə.

Bə ın hodisə bob Afrika bəzi məmləkəton lideron həm çe israyili cinoyətonışon məhkum kardə və bə Fələstini məsələ dastəkışon doə.demi əloğədor Cənubi Afrikaku bıə se həzosə ziyodə fəol,ĞHT və siyosi partiyaon Keyptauni kuçəonədə demonstrasiya bərpo kardəşone və ıştə hukumətonku bə Ğəzzə muharibə səbəbi xoto de israyili ticorət və diplomatikə əloğəon bırniye və çın cinoyətkorə rejimi Pretoriyadə bıə səfirəti basteyışon tələb kardə.