Ğazaxıston de İroni mıştərəkə biznes loyihəonku roziye

Ğazaxıstoni İronəda bıə səfiri votəşe:Im kişfər de İroni ixtisodi həmkoəti hevuj kardey,mıştərəkə di təsərrufot və sənaye loyihəon inkişof doey,turizm imkonon və nuyə texnoloqiyaonku istifodə kardey təşviğ kardedə.

Ğazaxıstoni Tehronədə bıə səfir Ontalap Onalbayev şanbə ruji Lorestoni əyolət iyən çe Ğazaxıstoni kişfəri ticori iclosədə əlovəş kardə:Ğazaxıstonədə di təsərrufot və hardemoni sənaye sahəonədə 650-sə ziyodə fəolə şirkət çe ğeydiyyotiku dəvardə və İroni şirkəton çın fırsətiku bo hovujə həmkoəti və mıştərəkə investisiyaon inkişof kardero foydə bardey bəzıneyn.əv,bo ın səfəro bə həyot dəvordınə bıə koordinasiya barz qətə holədə,İron və Ğazaxıstoni miyono siyosi əloğəon mısbət hisob kardə holədə votəşe:Dıqlə məmləkəti miyono fəğət siyosi səviyyədə həmkoəti şeydəni,bəlkəm həm mıştərəkə torıxi və sivilizasiya rəğ-rişəon boçəvon ixtisodi və mədəni əloğəon inkişofiro zəminə icod kardedə.