Aİ boçi bə Qırcıstoni behroni mudaxilə kardedə?

Qırcıstoni de Avropa İttifoği miyono ziddiyyəti ziyod bey bədiqə çın kişfəri sərvəzir çe Aİ Tbilisiyədə bıə səfirış de kişfərədə bıə etırozçiyon dastək doey ittihomış kardə ki,Avropa İbemoni ın ittihomış rədd kardə.

Qırcıstoni iminə vəzir İrakli Kobaxidze çe Aİ Tbilisiyədə bıə səfirış de kişfərədə bıə etırozçiyon dastək doey və oxonə iğtişoşon xoto məsuliyyətin beyədə qınokor bızınıo həm,Avropa İttifoği bəyonotonəda ın ittihom ğətiyə şikilədə rədd kardey bıə və çı Qırcıstoni siyosi vəzyətiku norohətçətiş bəyon kardə.

Aİ xarici siyosət sahədə komissar Kaya Kalas və Aİ inkişof sahədə komissar Marta Kassi Qırcıstonədə de lokalə səçınon anqıl doə oxonə bəyonot Tiflis və Brusseli miyono siyosi ziddiyyətış nevbəti dəfə dığğəti mərkəzədə oqətəşe.