Bə Qlobal Mığoviməti Floti fəolon israyili həbs mərkəzonədə işkəncəon
Qlobal Mığoviməti Flotədə Greta Tunberq həm daxil bıə holədə sulhi fəolon beynəlxalğə ovonədə oqətey bədiqə bə işkəncəon məruz mandən və əsosə xıdmətonku məhrum bıən.
“Reuters” aqentəti bə Qreta Tunberqi istinodən xəbə doydə ki,“Qlobal Mığoviməti Flot”-ədə iştirok kardə isveçıjə ətrof muhiti fəol Qreta Tunberq həm daxil bıə holədə,çandə qılə sulhi fəolon beynəlxalğə ovonədə israyili ğıvvon tərəfiku dastqir kardey bədiqə bə işkəncəon və yavə rəftoron məruz mandən.Oqətə bıə kəson əmniyyətinə peşoməninə oviku və həyoti vocibə dəmononku məhrum kardey bıə.
Qlobal Mığoviməti Floti hərəkoti 6 qıləy uzv beynəlxalğə ovonədə beğanunə holədə dızdiyə bıən və çəvon hələm həm israyili ğıvvon tərəfiku dastqir kardeyış bəyon kardə.
Əlcəzayiri Xarici Koon Vəzirəti 11 qılə vətəndo de İordaniya vositə,əmmo Oman həm de reqiyonalə şərikon həmkoəti kardə holədə ıştə vətəndoonku qıləyni bə dumo oqordıneyış elon kardə.
