Putini Tocikistonış etıboynə mıttəfiğış zınə

Rusiya prezdent Vladimir Putin deştə tocikistonıjə həmko İmoməli Rəhmoni didoədə Tocikistonış etıboynə mıttəfiğış zınə və çe dı tərəfi miyono əloğəon qırd sahəonədə inkişof kardeyış bəyon kardə.

Mərkəzi Asiya-Rusiya Sammit və Mıstəğilə Devləton İbemoni(MDİ) Sammitədə iştirok kardero bə Tocikistoni poytaxt Duşənbə səfə kardə Rusiya prezdent Vladimir Putin cımə şəvi deştə tocikistonıjə həmko İmoməli Rəhmoni vindemonış kardə.Dido zəmonədə əv,Tocikistonış etıboynə mıttəfiğış zınə və bəyonış kardə ki,həmmə sahəonədə,min cumlə həm mudafiyə və əmniyyəti sahəonədə əloğəon inkişof kardedə.

Bın vindemoni vaxti İmoməli Rəhmoni çe dıqlə məmləkəti miyono ticorət-ixtisodi,mədəni-humanitar,əmniyyət,reqiyonal və beynəlxalğə sahəonədə rabitəon hevujətiku ıştə roziyəti iyən məmnunəti bəyon iyən ifodəş kardə.Əy əlovəş kardə:Rusiya və Tocikistoni ixtisodi rabitəon fəolə şikilədə inkişof kardedə və dıtərəfinə ticorəti devriyyə ziyod beydə.