Rusiya:İnqilison"təfrığə eğand və hukmronətikə "-ku həm dəvardən

Rusiya xarici koon vəzir çe Ğərbi veyə kişfəron Farsi kandovi ərəbə məmləkəton bə İroni zidd ehtıyotinə munasibəti xandi kardey cəhdış bəyon kardə və votəşe:İnqilison məşhurə "təfrığə eğand və hukmronətikə "-nəzəku həm bə kəno beşən.

Serqey Lavrov cımə şəvi bə Rusiya Tudey (RT) televiziya kanali doə musahibədə votəşe:İnqilison hejo de ın nəzə məşhur bıən və İron və ərəbə məmləkəton miyono munasibəton məsələdə çəvon hərəkəton hətto de “poəkə və hukm bıdə” ifodə həm məhdud beydəni və çəvon nəzə “ziddiyyət ofəyey və hukmronətiye”.

Rusiya Xarici Koon Vəzir mustəmləkəçəti və nuyə-mustəmləkəçəti meylon hələm həm Ğərbi bəzi kişfəron hərəkəton məhvəri təşkil beyku ıştə təəssıfin beyış bəyon karde və oxonə soronədə çe Tehroni və ərəbə məmləkəton miyono munasibətonədə mısbətə əvəz beyon bə əməl omeyış bəyon kardə və votəşe:İron “Farsi kandovi” əsosə kişfəre.Lavrovi əlovəş kardə:Moskva İron və ərəbə məmləkəton miyono munasibəton məsələdə mısbətə əvəz beyon fəolə şikilədə təşviğ kardedə,çunki əmə dırozə sorone ki,Farsi kandovi reqiyonədə kollektivə əmniyyəti konsepsiya bə jimon dəvordıneydəmon.