Trampi plan və Ğəzzədə de otəşvəsi anqıl Aİ mevğey?

Avropa İttifoğ Ğəzzədə otəşvəsış bo vironəkə canqi bə oxo rosneyro qıləy realə fırsətış elon kardə.

Bə "Pars Tudey"doə məlumoti əsos,Avropa İbemon Ğəzzədə otəşvəsi roziyətiş təşviğ kardə,bımiş dastək doə və ın roziyətiş bo vironəkə canqi bə oxo rosneyro qıləy realə fırsətış elon kardə.Avropa İttifoği Xarici Siyosəti Numoyəndə şanbə ruji maştəvoni doə bəyonotədə votəşe:Avropa İbemon bo dərhol otəşvəsi və bo qırd məhbuson ozod kardey təmin kardero çe AİŞ prezdent Donald Trampi təğdım kardə Ğəzzədə muharibə bə oxo rosneyro hərtərəfinə plani iminə mərhələ dayir roziyətiş təşviğ kardə.

Bəyonotədə jıqo votey beydə:“Əmə həmmə tərəfon bo ın roziyəti çəy zəmonədə tammə formədə bə vırə rosney və dəvominə otəşvəs,məhbuson ozod kardey və bə Ğəzzə bemaneyə daxil bey və humanitarə imdodon dəvomin iyən hevujə şikilədə pevolo bey imkoni tələb kardedəmon”.