İroni Xarici Koon Vəzirəti bə Trampi bə İroni əleyh sıxanon cəvob

İroni Xarici Koon Vəzirəti çe AİŞ prezdenti bə İroni nuvə proqrami zidd beəsosə ittihomon və bəçəy beməsuliyyətin və behəyoə iddiyon reaksiyaş nışon doə.

İroni Xarici Koon Vəzirəti qıləy bəyonot pevolo kardə holədə,çe AİŞ prezdenti dışambə ruji seonistə Knessetədə de qenosidi cinoyətkoron iştiroki de İroni anqıl votə beəsosə ittihomon və beməsuliyyətin və biabırçiyə iddiyonış de şiddəti məhkumış kardə.

Bəyonotədə votey beydə ki,AİŞ bənə dınyo həmməysə dıjdə terrori istehsolçi və terroroist və tuməbır kardə seonist rejimi himoyədori,co kəson ittihom kardeyədə bə hiç qıləy mənəvi səlohiyyəti malik ni.İroni mərdum çe İron iyən reqiyoni əbədi ğəhrəmon,çe AİŞ-on istehsol kardə de DAİŞ-i terrorizmi mubarizədə bemislə rol ifo kardə bə şəhid qeneral-leytenant “Ğasım Suleymoni” nığılə ehtıromi və AİŞ-on həmonə yolə insoni və deəy bə ico bıə kəson ğətlədə kardə qonə cinoyəti hiç vaxti nibəbaxşe və çe viro nibebəkarde.

İroni Xarici Koon Vəzirəti bəyonotədə təkid kardə bıə ki,de İroni sulhmərominə nuvə proqramil əloğədor duyə iddiyon tikror kardey hiç qıləy şikilədə AİŞ və seonist rejimon bə mığəddəsə İroni sərzəminon hucum və bə İroni ğıryətinə avlodon zidd suyi-ğəsdədə mıştərəkə cinoyəti qıləy bəhonə vardey əzınin.