Arqentina Malvinas cəzirə peyo bəştə hakimiyyəti təkid kardedə
Arqentina bə İMT ğətnomə istinod kardə holədə Malvinas cəzirə peyo bəştə hakimiyyəti təkid kardedə
Arqentina Hindistonədə bıə səfir Mariano A. Cousino,27 sentyabr 2025-ə sori Daily Pioneer saytədə bıə məğolədə bə İMT Sər Assambleya 2065 ədədinə ğətnomə istinod kardə holədə bə Arqentina Malvinas cəzirə peyo hakimiyyəti təkid kardəşe.
Bə Pars Tudey doə məlumoti əsos,dırıst şest sor çımi bənav ğəbul kardə bıə İMT Sər Assambleya 2065 rəğəminə ğətnomə Arqentina Malvinas ləpəkon peyo bıə tammə suverenəti dınyo mığyosədə zıney istiğomətədə səyonədə sıftənə noxtə be.
Təxminən bə dı sa sori neze ki,Arqentina və Britaniya miyono Cənubi Atlantik okeyanədə bıə çandə qılə arxipelaqi sape suverenəti peyo mubahisə dəvom kardedə ki,çımonku həmməysə muhimmə qıləyni Malvinas(Folklend) cəzirəonin.
