Ulyanov:Aqentəti fəğət de İroni ko əloğədor məşğul bəbe

Rusiyavıjə barzə diplomat:BAET de İroni ko əloğədor fəğət de əmniyyəti tədbiron çərçivədə məşğul bəbe

Rusiya Vyanadə bıə səfir iyən beynəlxalğə təşkilotonədə bıə numoyəndə cımə ruji elon kardəşe ki,İMT Əmniyyət Şura 2231 ədədinə ğətnomə şanbə ruji(18 oktyabr) bə vırə rosnero oxonə torıx bə oxo rəseydə,2015-ə sori  bastə bıə nuvə saziş(JCPOA) faktiki surətədə bə oxo bərəse və çımi bədiqə Beynəlxalğə Atom Enerji Aqentəti çe İroni nuvə proqrami Hartərəfinə Muhafizə Muğovilə çərçivədə atomi məsələon həll bəkarde.

Mixayil Ulyanov sosyal şəbəkəon qıləyniyədə mesaj nıvıştə holədə votəşe:“Maşki(şanbə)İMT Əmniyyət Şura 2015-ə sori nuvə sazişi təsdığ kardə 2231 rəğəminə ğətnomə icroro oxonə torıx bə oxo rəseyədə,AHMFP bə oxo bərəse və çımi bədiqə Aqentəti İroni sırfən Hartərəfinə Sazişi çərçivədə bərrəsi və nəzorət bəkarde.”.

Rusiya Vyanadə bıə səfir iyən beynəlxalğə təşkilotonədə bıə numoyəndə əlovəş kardə ki,de ğətnomə muddəti bə oxo rəsey “De İroni nuvə proqrami əloğədor nuyə vəzyəton şoyd beydəmon”.İMT Əmniyyət Şura 2231  ədədinə ğətnomə İron və 5+1 qrupi miyono bənə atomi roziyəti təsdığ kardə sənədi qəbul kardey bıə və de İroni atomi bərnomə anqıl beynəlxalğə sanksiyaon peqəteyro roş oj kardə.Oxonə manqonədə çandə qılə Ğərbi kişfəron,ə cumlə həm Avropa Troyka uzvon(Yolə Britaniya,Fransa və Almaniya)ğətnomə bəndon itərəfinə şərh bə İroni ələyh bəzi məhdudiyyəton oqəteyro cəhd kardedən. İron İslom Respublikə çandə dəfə ın hərəkətış “ğeyri-ğanuni və huğuği ğıvvəş nıbə” koş zınə və təkidış kardə ki, 2231 rəğəminə ğətnomə mıddət təmom bey bədiqə əyo bıə qırd siloh və rəketi məhdudiyyəton beynəlxalğə huğuği nəzəku ləğv kardey bəbe.