İron çe AİŞ-on bə Venesuela ələyh hərbi hərəkəton məhkum kardedə

İron İslom Respublikə Xarici Koon Vəzirəti sıxanəvot cımə ruji çe AİŞ-on Venesuela sahilon nezi hərbi hərəkəton vey beyış məhkum kardə.

İroni Xarici Koon Vəzirəti sıxanəvot İsmoyl Bəğayi çe AİŞ-on Venesuela sahilon nezi hərbi hərəkəton,min cumlə həm bə moyəqətə kəştiyon təkrorən hucumonış,oşkoə şikilədə zu tətbiğ kardey və bə Karakasi zidd hərbi mudaxilə təhdidonış çe İbıə Milləton Təşkiloti Nizomnomə əsosə prinsip və məğsədon,xususən həm devləton miyono munasibətonədə zuku istifodə və ya ğədəğən kardey təhdidiş oşkoə şikilədə darışteyış zıne.

İroni Xarici Koon Vəzirəti sıxanəvot çı AİŞ-on ın ğeyri-ğanuni və təxribotçiyə hərəkəton məhkum kardey kəno,bə beynəlxalğə sulh və əmniyyəti ələyh har qıləy təcavuzi navi seyro çe İMT Əmniyyət Şura məsuliyyətış həm ğeyd kardə.