AİŞ-Kolumbiya munasibətonədə ziddiyyət boçi bə mislış nıbə səviyyə rəsə?

Donald Trampi bə Qustavo Petro ələyh ittihomon bə Vaşinqton iyən Boqota miyono 2025-ə sori həmməysə dıjdə diplomatikə behroni səbəb bıə.

Bə Pars Tudey doə məlumoti əsos,AİŞ prezdent Donald Trampi bə Kolumbiya prezdent Qustavo Petro inğılobi ideyalaon ələyh irtərəfin və mudaxiləçi xarici siyosət,bə dıqlə kişfəri miyono 2025-ə sori həmməysə dıjdə diplomatikə behroni səbəb bıə;Tramp fəğət çe dıqlə kişfəri strateji və torıxi ittifoği hədəf qəteydəni,həmən bə çəpə Kolumbiya hukuməti zidd siyosi təzyiğ nışon doey və qlobal Cənubi barzəti navi qətey niyyətədəy.

Trampi administrasiya rəyrə bə Kolumbiyaku idxali tarifon tətbiğ kardeyış bəyon kardə və ın qəm çe Trampi həmməysə nezə muttəfiğonku qıləyni bıə respublikaçi senator Lindsi Qrahami tərəfiku navbənav təsdığ kardey bıə.

Əve,AİŞ prezdenti Donald Tramp 20 oktyabrədə bə Kolumbiya ələyh tarifon ziyod kardey və bə ın kişfəri qırd koməqon oqəteyış bəyon kardə.Trampi iddiyoş kardə:"Əvon de narkotikon mubarizə bardedənin.Əvon ıştən narkotik istehsol kardedən".