Bə seonist rejimi mustəmləkə ekspansiyonizmi dəvom kardey xəbərdorəti

İron İslom Respublika Xarici Koon Vəzirəti sıxanəvot pencşambə ruji de seonistə Knesseti(Parlamenti) İrodan ru Ğərbi Sahili ilhoği anqıl ğətnoməş bənə İbıə Milləton Təşkiloti Nizomnomə prinsip və məğsədon ojə şikilədə darışteyış zınə və ımış de ğətiyyəti məhkum kardəşe.

İsmoyl Bəğayi çe Knesseti Ğərbi Sahili ilhoği anqıl ğətnaməş seonist rejimi mustəmləkə və cinoyətkorə ekspansiyonizmi royədə coqlə qəmış zınə.Im,həşto sore ki,Fələstin xalği ıştə muğəddəroti təyin kardey fundamentalə həxon dəvominə şikilədə darışteye və beynəlxalğə huğuği ğaydəon,xususən həm milləton ıştə tale iyən muğəddəroti təyin kardey həxon darıştedə.

İroni Xarici Koon Vəzirəti sıxanəvot bə İordan ru Ğərbi sahilədə insonə həxon və humanitarə huğuğon dəvom kardə hoziyə şikilədə darıştey,Ğəzzədə bə əməl omə tuməbıri işorə kardə holədə təkidış kardə ki,seonist rejimi İordan ru Ğərbi sahilədə elon kardə və praktiki siyosət,min cumlə həm "Yolə İsrayil"-i illuziya təkror kardey,nuyə jimoni məntəğəon ejey və Knessetədə nuyə ğətnoməon ğəbul kardey çın rejimi işğal bıə qırd Fələstinədə hartərəfinə etnik pok kardey plani təsdığ kardedə və ın vəzyət həmmə hukuməton çe Fələstini "mıstəmləkə məhfi" navi qəteyro təsirinə tədbiron vindey məsuliyyəti həni həm ziyod kardedə.

Bəğayi həmçinin İslomi kişfəron və beynəlxalğə iştimoiyyətiku bo Fələstini mərdumi torıxi həxon oşkoə şikilədə darıştey vəy qəteyro təcili tədbiron vindeyış vanq jeyə və seonist rejimi bə Fələstini hoviyyət iyən kiyəti və bə fələstınıjon həxon ələyh dəvominə hucumon navi qəteyro bə İbıə Milləton Təşkiloti məsuliyyəti təkidış kardə.