Tramp atomi silohi mısobiğə şiddətin kardedə

Tramp AIŞ-on nuvə silohi testi bərpo kardey əmrış doə;Əv atomi silohi mısobiğə şiddətin kardedə

Donald Tramp AİŞ-on nuvə silohi test kardey əmrış kardə.

Bə Pars Tudey doə məlumoti əsos,AİŞ prezdenti Donald Tramp ıştə sosyal medya hisobədə bə Truth Social-i doə mesajədə kişfəri bə Hərbi Vəzirəti atomi silohi testiku dəvordıney bərpo kardey əmr doeyış bəyon kardə.

Əy ğeydış kardə:“Bə diqər kişfəron testi proqramon əsos,mı bə Hərbi Vəzirəti çəmə nuvə silohon bəçəvon teston bob testiku dəvordıney bərpo kardey əmrım karde və ım,dərhol bino bəbe”.

Trampi iddiyoş kardə ki,ım ğəror bə co kişfəron atomi silohi test kardey proqramon cəvobən doey bıə və çəy icro dərhol bino bəbe.

Əy iddiyoş kardə ki,AİŞ bə həmməysə ziyodə atomi silohi malike və ın sərəncom çe kişfəri nuvə arsenali modern və tojə kardey qıləy hissəy.