Çini bə AİŞ-on çəşnaviş doə

Çin çe AİŞ-ku bə Hartərəfinə Nuvə Teston Ğədəğən Kardey Mığovilə rioyət kardeyış piyə

Bə AİŞ prezdent Donald Trampi nuvə teston bərpo kardey əmri cəvobən,Çin çe Vaşinqtoniku bə atomi silohon teston noə bıə ğədəğə rioyət kardeyış tələb kardə.

Bə Pars Tudey doə məlumoti əsos,Çini Xarici Koon Vəzirəti sıxanəvot Quo Jiaqun cımə şəvi bəyonış kardə ki,Çin çe AİŞ-ku bə Hartərəfinə Nuvə Teston Ğədəğən Kardey Mığovilə(CTBT) çərçivədə bıə ehdəmonon və bəştə ehdə peqətə çiyon əməl kardey umuş heste.Əv,həmçinin AİŞ-ku bə "qlobal tərksiloh və pevolo nıkardey rejimi xandi kardey və qlobal strateji sabitəti və tarazəti mıhofizəro vohidə tədbiron vindeyış tələb kardə."