Sudani daxili canqi səbəbon
Sudan,çe qlobal suyi-ğəsdçiyon pəncədə mandə telıə diyor
Holı-hozıədə de daxili canqi məşğul bıə Sudan ziyodə sərvət iyən imkonış bıə kişfəre.Im diyor çandə sorone ki, orijinal İslomi-Afrika kiyətii de qlobalə hukmronəti sistemi miyono qıləy dəvominə mubarizə bardedə.
Bə Pars Tudey doə məlumoti əsos,Cənubi Sudani co bey bənav Sudan Afrika qitədə bıə həmməysə yolə ərəbi-islomi diyor və dınyodə nəvminə həmməysə dıjdə məmləkət be.
Sudan 1956-ə sori mıstəğiləti kəsb kardey bədiqə bə 20-sə ziyodə hərbi peqordımoni,bə dıqlə dıjdə vətəndo canqi və bə çandə sa həzo insoni maqi və dərbədər bey boyis bey şoyd bıə.Sudan holı-hozədə çı Sudani Silohinə Ğıvvon (SAF) de Surətinə Reaksiya Ğıvvon (RSF) miyono vətəndo muharibə omuj qıniyə və ım,bə ın hovujə Afrika kişfəri xeyli insoni xəsorəti,moliyyə və maddi ziyonon səbəb bıə.
