Boçi Nuyə Dehli de Tel-Avivi nezə nəzəş vıjniyə?
Nuyə Dehli de Tel-Avivi nezə rabitəon basteyku məğsəd çiçe?
Hindıston,de reqiyonal kişfəron,xususən həm bə de hamsuyəon dincə nəzədə jimoni əsos dırozmıddətinə nəzəku bə diyəro mandə holədə,de AİŞ və seonist rejimi problemin və nezə munasibətonış icod kardə.oxonə soronədə Hindıston sər vəzir Narendra Modi deştə israyilıjə həmko Benyamin Netanyahu çandə qılə didoş dəvordınə və de Tel-Avivi hevujə hərbi və ticorəti mığoviləonış imzo kardə.
Həmçinin barzə vəzifəynə Hindıston və israyili rəsmiyon miyono veyədədinə vindemonon bərpo bıə.3 noyabr 2025-ə sori çe israyili xarici koon vəziri Gideon Saar deştə hindıstonıjə həmko Subrahmanyam Cayşankar və milli əmniyyəti muşavir Ajit Doval didşo kardə.Saari Hindıstonış "qlobal super zuş" hisob kardə və çe israyili bə mıştərəkə demokratikə erjon və bə dıtərəfinə əmniyyəti məğsədon əsos bıə"dırozmıddətinə strateji həmkoəti" dumo beyış bəyon kardə.
