Qrossi:Bəpe bə de İroni diplomatiya roy oqardəmon

Beynəlxalğə Atom Enerji Aqentəti(BAEA) sər direktor cımə şəvi doə bəyonotədə çe kişfəronku bə de İron İslom Respublika diplomatiya roy oqardey səmt vanqış jeyə.

Rafael Qrossi bə diyaloqi oqardeyış vanq jeyə və diplomatiyaş bo İroni nuvə proqrami bənə "dəvominə həll roy noyil bey yeqanə roy" təsvirış kardə və votəşe:"İyunə manqi hucumonku jıqoşə hələm həm bə navnə prosesi oqardeyımon zınəni ".

BAEA sər direktor çe aqentəti hələm həm de Tehroni məsləhəton bardey ğeyd kardə holədə,çe aqentəti hisoboti bə İroni hucumonro bəhonə təğdım nıkardey və hisobotədə "nuyə məlumot nıbey" və "bedəlilə formədə siyosi kardey" iddiyoş karde. Qrossi həmçinin suni intellekti bə aqentəti nəticəon təsir kardey barədə məlumoton beəsos zınə holədə təkidış kardə: "Çəmə nəticəon maşinon ne,çe insonə mufəttişon tərəfiku doey beydə”.