Şimali Koreya ıştə tojə balıstik rəkıti imtovonış kardə.

Şimali Koreya təsdiğış kardə ki ujnən qıləy tojə rəkıti imtovonış kardə.

Bə Yonhap aqentiyəti raporti əsos Hoasonq 12 nomo iyən balıstik rəkıt çı Şimali Koreya lideri tono imtovon karde bənə bə Amerkə qıləy çəşnavi doe hisob bıdə ta oğo bıbu çəy həmmə ərazion Şimali Koreya rəkıton jentonədə hestin.

Şimali Koreya lider de həminə rəkıtiyə imtovon bə Amerkə nışoş do ki Piyunq Yanq bə ıştə kişvəri hucum reaksiya nışo doero zumandə ğudrəti xıvande.

Sepiyə bino ısət bə Şimali Koreya əleyh tojə təhrimon və embarqon bino karde fikədəy.

Piyunq Yanq vey kərə elanış kardə ki detosə bə zəmon ki Amerkə tərəfiku bə Şimali Koreya mənafe əleyh jıqonə təhdidon dəvomış bıbu ım kişvər bəştə hərbiyə ğudrət əlovə bəkay.