Trampi G20 boykot:Təzyiği siyosət ya de israyili həmrayəti?
AİŞ prezdent hiç qıləy AİŞ rəsmi çe Cənubi Afrika Yohannesburq şəhrədə bərpo bıənin bıə Vist Qrupi (G20) sammiti omuj nıqıniyeyış bəyon kardə.
Bənə komilə boykoti təsvir kardey bıə ın ğəror,çe vitse-prezdent J.D. Vensin iştiroki ləğv kardey kəno, AİŞ-ış çe dınyo həmməysə vocibə ixtisodi vindemononku qıləyniku bə kənoş noe.
AİŞ prezdent Donald Tramp Truth Social sosyal şəbəkədə nıvıştəşe:"G20-i Cənubi Afrikadə dəvordıney təmomən rısvoyçətiye. Afrikaneron(hollandiya,fransız və almanə immiqranton nəslon) kıştey və zibh kardey beydə,çəvon zəminon və fermaon ğeyri-ğanuni formədə musadirə kardey beydə.Əqər ın insonə həxon darıştey dəvom pəyduko, hiç qıləy AİŞ hukuməti rəsmi əyo iştirok nibəkarde.
Trampi ın sıxanon bə Ğəzzədə tuməbıri xoto Beynəlxalğə Ədolət Məhkəmədə (ICJ) israyili bə məhkəmə doey xoto Cənubi Afrika bə cəzo rosney hədəfış heste.
