Amerkə İrağiku çiçış piyedə?
Milodi 2003-ə sori bə İraği hucum iyən əy işğal kardə AİŞ bın kişfərədə mıxtəlifə məğsədon təğib kardedə.
Bə Pars Tudey doə məlumoti əsos,AİŞ çe Donald Trampi prezdendəti dıminə devrədə bə İrağ və bəçəy hodisəon xususi dığğət nışon doydə.Amerkə İrağədə bıə məğsədon əmniyyət,ixtisodi,siyosi və qeosiyosi mənafeyon tərkibe.Vaşinqton ıştə diplomatik,hərbi və kəşfiyyot vositəonku istifodə kardə holədə,bə Vaşinqtoni bın kişfərədə məğsəd və mənafeyon mıtobiğ nıbə reqiyonal və beynəlxalğə aktyoron mevcudəti navi seyə holədə,İrağədə bıə ıştə təsiri bənə nisbi mıttəfiği xandi kardero cəhd kardedə.
Bə nəzə rəseydə,Trampi administrasiya bın de nati pur bıə qəncinə kişfərədə çın məğsədon dumoe:-Amerkə İrağədə bıə həmməysə vocibə məğsədonku qıləyni Ğərbi Asiya reqiyoni mərkəzədə ıştə qeosiyosi təsiri oqəteye.İron,Suriya,Səudiyyə Ərəbıston və çe Tırkiyənin hamsuyətiyədə vağe bıə İrağ deştə strateji mevğeyi reqiyonal muomiləonədə əsosə rol ifo kardedə. Vaşinqton deştə İrağədə bıə hərbi və diplomatik mevcudəti zu balansi bəştə iyən bəştə mıttəfiğon xeyri xandi kardey və bənə Rusiya və Çini bıə reqiyonal və beynəlxalğə rəğibon təsiri vəy qəteyro səy kardedə.
