Pokıston:Əmə bə İroni uranı qəncin kardey huğuği dastək doydəmon
Pokıstoni Xarici Koon Vəzirəti sıxanəvot cımə ruji de İron İslom Respublikə nuvə məsələ anqıl ziyod bıə və bə anti-diplomatikə tədbiron ələyh bəştə kişfəri usuli iyən prinsipiyal mevğey təkid kardə holədə votəşe:İslomobod bə Tehroni uranı qəncin kardey huğuği,JCPOA(AHMFL) bəyji kardey və İMT Əmniyyət Şura 2231 rəğəminə ğətnomə dastək doydə.
İslomobodədə haftəynə mətbuat konfransədə Məhəmməd Tahir Əndərabi bəyonış kardə:Pokıston navko bə İroni nuvə obyekton ələyh har qıləy xarici hərbi əməliyyoti zidd beyış bəyon kardə və bəştə de Tehroni har qıləy canqi və anti-diplomatikə nəzə rədd kardey mevğey ijən həm təkid kardedə.
Pokıstoni Xarici Xarici Koon Vəzirəti sıxanəvoti əlovəş kardə:Bə yod vardedəmon ki,Pokıston oxonə manqonədə İMT Əmniyyət Şura 2231 rəğəminə ğətnomə və çe Cənubi Koreya bə İroni zidd sanksiyaon ləğvi dəvom doey anqıl coqlə ğətnomə əloğədor ğətnoməş himoyə kardə və jıqo hisob kardedə ki,bo ın məsələ həll kardero canq və sanksiya nəzə ğəbul bıənin ni.
Pokıstoni Xarici Koon Vəzirəti sıxanəvoti həmçinin bəyonış kardə:"Əmə çe İroni nuvə sazişi(JCPOA) bəyji kardey himoyə kardedəmon və bovə kardedəmon ki,çe İMT Əmniyyət Şura 2231 rəğəminə ğətnomə icro kardey bo sulhi səyon navşemoniro vey vocibe."
