X istifodəçiyon: Tramp Ərəbıstoni fəğət qıləy şıtədə qo zıneydə, fəğət ım

Pars Tudey- X sosyal şəbəkəon istifodəçiyon, de ğeyri Nato əsliyə şəriki nomi Ərəbıstoni rəsmi zıniyeyo Amerkə dəvardə rujon hərəkətışon Vaşinqtoni tərəfiku coqılə hiylə zınəşone.

Amerkə prezdent Donald Tramp çoşanbə ruji Vaşinqton-DİSİədə votışe: Ərəbışton çəmə ğeyri Nato əsliyə şərike. Pidəmone ıştə kali yolə hərbiyə silohon bə Ərəbıston bəhvatəmon. In qıləy holədəy ki, Tramp ıştə prezdentəti 1minə devrədə votəş be ki, Səudiyyəvıjon şıtədə qoon və pidəşone əvoni çanədə ki,Ş zuşon vışkidə bıdoşon. Bə Pars Tudey- raporti əsos X sosyal şəbəkə istifodəçiyon, de ğeyri Nato əsliyə şərik nomi Ər-riyadi rəsmi zıniyeyo Amerkə hərəkətışon Amerkə tərəfiku coqılə hiylə zınişone.

Həminə barədə qıləy istifodəçi de “Tara” nomi X sosyal şəbəkədə nıvıştışe:”Amerkə de rəsmi surətidə Səudi Ərəbıstonış de Ğeyri Nato əsliyə şərik nomi elonış karde. Məqər ın həmonə Ərəbıston ni ki, şıt doə qo zıniyə bıəbe! əmmo ta çoko ki,  Amerkə foydəon və nati sıxan bə miyon ome, həminə şıtədə qo şərik zıniyə be?”

X sosyal coqılə istifodəçi de “Mah Peyman” nomi həm bovəş heste: “ bın rujonədə bə Ben Səlmani vəbeşe və bə İbreymi mığovilə Ərəbıstoni umuj qıniyeyo ın kişvəri hiylə jıe hədəfi de F-35 həvate doə vədə əncom bedə.”

“Əmir” həm votışe: “Ərəbıston bəpe bızno, Amerkə siloh fəğət Amerkəvıjon foydon cəhətdə istifodə bedə və vəsslom.”

“Yəhya Məhdəvi” həm Ər-riyadış Vaşinqtoniku əmr əbə zınəşe və nıvıştışe: “Aya kali ərəbə hakimon, cəsorətışon heste tobə Amerkə iyən israyili foydəon əksədə sıxan bıvoton? Amerkə həmmə kəsi sə bo ıştə foydəon xoto bəbıre.”

X sosyal şəbəkə coqılə istifodəçi de Husna Şərifi” nomi təkidış karde: “de hərbiyə təyyorəon və bə asbi penıştə kəson iyən məxsusə mıhofizon Trampi məxsusə surətədə bəvə beşe oşko be ki, boçi bıə!! Bo Trampi təyliyə xəzinə pur kardey iyən ın şıtədə qo cifi təyli karde.”

X sosyal şəbəkədə co qılə fəoliyətəkə  de “Hatəm” nomi nıvıştışe: “Ben Səlman beytullmali puli xarc kardə və pidəşe de seonist rejimi cəllodon vositə çandə həzo Fələstini ğətliam bıkə, çunki, Ğəzzədə Tramp həm israyili cinoyətonədə şərike.”

“Humən” həm bovəş heste Ər-riyad Vaşinqtoni vədə təslim be və təslim bıey xarc mığoviməti xarcisə veye.

“Monem Hamed” həm nıvıştışe: “Tramp Səudi Ərəbıstoniku istifodə kardə ta 1trilyon dollar bə Amerkə moli xəzinə bırosno və Amerkə dəvardə torixiə hərbiyə sənaye bəji bıkə.”

Və oxoyədə inki, X sosyal şəbəkə co qılə istifodəçi “Huseyn Fəsihi” votəşe: “Səudi Ərəbıston bə əsri cinoyətkor vobəstəye. Tramp Ər-riyadi fəğət qıləy şıtədə qo zınedə. Fəğət ım və vəssəlom.”