Netanyahu seonist rejim prezdentiku əfvi tələb
seonist rejimi sər vəzir rəsmən ıştə əfvi tələbış bə çın rejimi prezdenti təğdımış kardə və çın hərəkəti əsosə səbəbış bənə əmniyyət və siyosi səbəbon nışonış doə.
seonist rejimi sər vəzir"Benyamin Netanyahu" rəsmən ıştə əfvi tələbış bə çın rejimi prezdent "İshoğ Hersoğ"i təğdımış kardə.seonist rejimi prezdent ofisi həm bə ın tələbi nəzə kardero əvış bə Huğuği Koon Departamenti vığandeyış bəyon kardə.In tələbi təğdım kardey bədiqə Netanyahu votəşe:Deçımı koon əloğədor istintoğ 10 sor bənav ko bino be və məhkəmə proses 6 sore dəvom kardedə və dırozə soron həm dəvom kardey bəzıne.
seonist rejimi sər vəziri əlovəş kardə:"Iştə beqınoəti subut kardero huğuği prosesi dəvom doey çımı şəxsi məsləhət be,lakin əmniyyət iyən siyosi məsləhət mıku qıləy farğinə ro vıjniey tələb kardedə".Netanyahu iddiyoş kardə:"Məhkəmə dəvom doey mubahisəonış ziyod karde və bə oxo rosney ziddiyyəti bəkam kardey və bo hevujə aşişi roy oj kardey bəzıne.
