Boçi kişfəron bə BRIKS-i omuj qıniye meyl ziyod bıə?

Niqeriya xarici koon vəzir Yusuf Tuqar çe Əbuja bə BRIKS-i omuj qıniye meylikuş xəbə doə.

Bə Pars Tudey doə məlumoti əsos,Niqeriya xarici koon vəzir çəy kişfəri de tobə 2050-ə sori əhaliş təxminən bə 400 milyoni rosney və miyonə təbəğəku bəşıkrə qıləy cəmyəti təbdil bey vizyoni çe BRIKS-i təcrubəku foydə bardey tələbiku sıxanış bə miyon vardə.

Əv,çe Niqeriya jəqo həm diyəro nıbə qıləy vəomədə tam huğuğin bə BRIKS-i uzvi statusi noyil bey umu kardeyış bəyon kardə.

Bə BRIKS-i omuj qıniye həmməysə vocibə səbəbonku qıləyni uzv kişfəron ənənəvi holədə çe Ğərbi kişfəron təsiri jiyədə bıə bənə Beynəlxalğə Valyuta Fondi (BVF) və Dınyo Bankı bıə beynəlxalğə ixtisodi və moliyyə onemonku himoyə kardeye.