Bəğayi:AİŞ-on bə Venesuela natə tankeri hucum"devlətə piratçəti" numunəy

İroni Xarici Koon Vəzirəti sıxanəvot çe AİŞ Hərbi Dıyo Ğıvvon bə Venesuela nati şıkırnə ticorəti kəşti hucumış və əy bə dast vardeyış bənə"devlətə piratçəti "barizə numunəş xarakterizə kardə.

İron İslom Respublika Xarici Koon Vəzirəti sıxanəvot"İsmoyl Bəğayi"çe AİŞ Hərbi Dıyo Ğıvvon kişfəri sahilon nezi Venesuela nati şıkırnə ticorəti kəşti hucumış və əy bə dast vardeyış bənə"devlətə piratçəti "barizə numunəş təsvir kardə və ımış məhkum kardə.Bəğayi votəşe:AİŞ-on bə diqər kişfəron məxsus ticorəti kəşti bə dast vardey hərəkətış bə beynəlxalğə huğuği oşkoə şikilədə beetınoəti və beynəlxalğə naviqasiya əmniyyəti tənzim kardə prinsipon hoziyə şikilədə darışteye.

 İroni Xarici Koon Vəzirəti sıxanəvoti təkidış kardə ki,jıqo qıləy hərəkəti bə həx bekardeyro AİŞ-on daxili ğanunon və bə beğanunə sanksiyaon istinod kardey ım"dıyoədə silohinə dızdi" beğanun və cinoyətkorə mohiyyəti hiç qıləy şikilədə əvəz kardey nibəzıne.In cur məcburi rəftoron dəvom pəydo kardey bə beynəlxalğə sulhi,əmniyyəti və ticorəti təsiron və nəticəon barədə xəbərdorəti kardə Bəğayi,qırd hukuməton və səlohiyyətinə beynəlxalğə onemonon bə ın cur beğanunə hərəkəton ələyh beşey və çe AİŞ-on bə məsuliyyəti cəlb kardey məsuliyyətış ğeyd kardə.