Lavrov:Avropa bə İroni zidd hərəkəton bə diplomatiya ləkəy

Rusiya xarici koon vəzir oxonə i sor nimi ərzədə çe Avropa bə İron İslom Respublikə ələyh dışmenəti və beğanunə hərəkətonış bənə Avropa diplomatiya ləkəş xarakterizəş karde.

Rusiya xarici koon vəzir Serqey Lavrov dışambə ruji şəvi zəmonədə pevolo bıə iyən bə İron İslom Respublika Rədyo və Televiziya doə musahibədə votəşe:Oxonə i sor nimi ərzədə avropavıjon İroni AHMFP-i volo beyədə qınoko bekardero cəhd kardedən,əmmo bımi rəğmən İroni ın sənədış  hiç vaxt darıştəşni tayin ki,AİŞ 2018-ə sori bə İbıə Milləton Təşkiloti Əmniyyət Şura ın ğərori həni əməl nıkardey elon kardey.

Bə Pars Tudey doə məlumoti əsos,əy bəyonış kardə:”Bə İroni munasibətədə ın roziyəti AİŞ tərəfiku bə xəşələ ğoti şodey be və peşo Ğərb,xususən həm avropavıjon çe AİŞ-on dumo şin və peşo binoşon karde ki,İron bə AHMFP-i mığovilə əməl kardedəni".