Boçi Tırkiyə de Ğəzzə anqıl ıştə mevğeyiku bə dumo pekıreydəni?

Tırkiyə prezdent ıştə kişfəri de Ğəzzə anqıl mevğeyiku bə dumo nıpekırış bəyon kardə.

Bə Pars Tudey doə məlumoti əsos,Tırkiyə prezdent Rəcəb Təyyib Ərdoğan İstanbulədə de tələbəon bıə sehbətədə bə Ğəzzə dastəki nəzə dəvomi təkidış kardə və votəşe:Omə devrədə bə Fələstini xalği de ğətiyyəti dastəki roy dəvom bədomon.Ərdoğani təkidış kardə:Bə dumo pekırey nibəbe və əqər əmə bə dumo nıpekırəmon,Xıdo iyən Ğəzzə vədə bəpe məsuliyyətımon bıbu.

Ərdoğan bəştə İbıə Milləton Təşkiloti Sər Assambleyaədə bıə nıtği işorə kardə holədə votəşe: israyili numoyəndə heyəton navədə mizon peştono nıştəbin və mı ın nıtği kardə zəmonədə sərost bəçəvon çəşon dılə erəxeydəbim,əmə çe hiççiku tarsımon ni.