Ərağçi:İron bə ğanuni huğuğon hurməti əsosədə bıə mızokirəonış rədd kardəni

İroni xarici koon vəziri bəyonış kardə ki,İslomi Respublika hiç vaxti bə milləton ğanuni huğuğon və ğanuni mənafeyon hurməti əsosədə bıə mızokirəonış rədd kardəni.

İroni xarici koon vəzir Seyd Əbbos Ərağçi de Britaniya xarici koon vəzir İvett Kuperi bıə telefonə votemonədə Avropa seqlə kişfəri çe İroni nuvə məsələdə beməsuliyyətə nəzəş tənğıd kardə və har qıləy məcburi və irərəfinə mızokirəonış rədd kardə.

Yolə Britaniya xarici koon vəzir həmçinin bəçəy kişfəri bo İroni nuvə məsələ həlliro diplomatikə həlli royku istifodə kardey mevğeyi təkid kardəşe.İron və Britaniya xarici koon vəziron həmçinin çe konsuləti məsələon və dıtərəfinə munosibəton barədə fiki mubodiləş bardə və bo dıtərəfinə təfahumi zumand kardero bə məsləhəton dəvom doey təkid kardəşone.