Aleksey Yaruşenko bə İroni mərdumi doə dastək
Urusə analitik:İroni zu amerkəvıjon bə dumo bənıştovne,İğtişoşqəron xayinə fərdonin
Rusiyə Siyosi Proseson Xususi Mərkəzi rəyis Aleksey Yaruşenko çe amerkə prezdent donald tarmpi bo İğtişoşqəron himoyəro bə İroni hucum kardey barədə votəşe:Mı xotırcəmim ki,İroni mərdum de mığoviməti çe Vaşinqtoni təhdidon mığobilədə iyən ıştə hərbi ğudrəti kəno deştə həmrayəti,amerkəvıjon çəvon iddiyonku bə dumo bənıştovneyn.
Bə Pars Tudey bə İrna istinodən doə məlumoti əsos,Aleksey Yaruşenko əlovəş kardə:İbtido bə İroni şərofətin iyən mehmonpərəstə şəhrvandon ıştə dastəqi ibroz kardedəm və peştıpurim ki,əvon çe milləti əksəriyyəti təşkil doydən iyən İğtişoşqəron ə fəolonin ki,de amerkə təhriki bo ğətliro mutəşəkkil kardey bıən iyən əvon bo İroni hakimiyyəti təhdid icod kardey iyən kişfəri stabiləti miyoniku bardero ğanun darıştə kəsonin.
