AİŞ:Çin nuyə nəsl nuvə silohi hozzı kardedə
AİŞ kəşfiyyot mənbəon çe Çini məxfiyə atomi testi bardə holədə nuyə nəsl nuvə silohi hozzı kardey iddiyoşon kardə.
Bə Fars Beynəlxalğə Xəbə Aqentəti əsos,Amerkə CNN xəbə şəbəkə bə AİŞ kəşfiyyot icmoədə bıə mənbəon istinodən doə məlumoti əsos,Vaşinqton jıqo hisob kardedə ki,Çin çe nuyə nəsl nuvə silohi hozzı kardey dumoye.Bə ın hisoboti əsos,AİŞ kəşfiyyoti rəsmiyon Pekini oxonə soronədə həmməysə kami iqılə tıpınə testi dəvordıney və çın hərəkəton ıştə atomi arsenali bə dınyo texnoloji cəhəto həmməysə inkişof kardə arsenali peqordıneyro veyə hovujə səyon iqlə hissə bey bovə kardedən.
Çini iminə atomi bombə test 16 oktyabr 1964-ə sori Sincan əyolətədə bıə "Lup Nur" bazadə bərpo bıə. Bənə "596-ə testi zıney bıə" ın test Çinış çe AİŞ,Səvet İttifoğ,Britaniya və Fransa bədiqə bə pencminə nuvə zuş təbdil kardə.
