İrağçi::Bo har dıqlə varyanti tam hozzımon

İroni Xarici Koon Vəzirəti bə "İndia Tudey" qəzeti doə mısohibə:Bo har dıqlə varyanti tam hozzımon;canq və sulh

İrağçi:Fik kardedəm ki,bə qıləy insofin,balansin və ədolətinə roziyəti noyil bey mumkine.Həlbəttə ki,çəmə silohlinə ğıvvon boştə vəzifəon bə vırə rosneyro hozzıe və bənə navnə dəfə çokonə ıştəni mıdofiyə kardey zıneydəmon.Dəvardə muharibəku vey çiyonımon omute,əve ısət həni həm vey hozzımon.

Bo canqi hozzı bıə zəmon şımə çəy navi qətey bəzıneyon;əks holədə şımə əvon bəştə kə dəvəton kardə. Çən,əmə bo muharibə piyey xoto ne,bəlkəm bo,canqi vəy qəteyro tam hozzımon.Mı çı diplomatiya odəmim və bovə kardedəm ki,çəmə qətə ro bo ın məsələ həlliro həmməysə çokə roye.

Bo İroni dincə nuvə proqramiro hərbi səçın mevcud ni.Əqər norohətçəti hestebu,sıvol hestebu,əmə boçəy həlliro hozzımon,əmmo əmə nuvə texnoloqiyaku de sulhamizə məğsədon istifodə huğuğiku imtino kardero hozzı nimon.Im,çəmə mevğey və tələbe.Bovə kardedəmon ki,maşki Cenevrədə bə qıləy rozi kardə, ədolətin və balansinə həlli roy rəsey ehtımol heste.