İrağ İsa Ğasımı həxədə bəhreynı tələbış rəd karde.
İrağ ale xəlifə məsləhətış bəhreynı yolə ruhani Şeyx İsa Ğasımı təbid karde barde barədə rədış karde.
Bə livani Əlməyadin kanali xəbon əsosi iraği diplamatikə mənbəon elanışon karde bı rujonədə bəhreynı devləti tələb Şeyx İsa Ğasımı təbid kardeyu bə iraği 1 minnə vəzir Heydər Əlibadi dast rəsə ki Bəğdad de şiddəti dəy muxalifətış kardə.
ım xəbəndə bə kırtə məsəlon heç qılə işarə bə ni.
ale xəlifə rejimi hərbiyə ğıvvon bə Şeyx İsa Ğasımı kə hucum kardeədə bəhreynı şiəyonku can nəfər kıştə və yarəjə bedən ki mıxtəlif məmləkəton şəhrvandon iyən rəsmi şəxson tındə reaksiyaəndə dim bə dim bedə.
zinə çansaqılə irağıj Bəğdad şəhrədə bəhreynı səfarətxanə iyən Nəcəf şəhrədə bıə çı məmləkəti konsol mərkəzi vədə cəm bedən.
eyne holədə bəhreynı mıxtəlif məntəğonədə bıə cəmaət zinə şanqo ijən Şeyx İsa Ğasımıku tərəfdarəti kardeyu mitinqışon bərpo karde.
votedən ki bəzi məntəğonədə bəhreynı əmniyətiyə ğıvvon bə ım məmləkəti şəhrvandon hucumış kardə.
bə bəzi mediyaon xəbon əsosi bəhreynıjon diniyə mərcə vəziyyətiku heç qılə xəbə dastədə ni.
ale xəlifə rejim dəvardə 1 şanbə ruji Şeyx İsa Ğasımış bə 1 sor həbs və çəy vəsilon musadirə karde məhkumış karde və peso bəhreynı əmniyyətiyə ğıvvon 3 şanbə əsrə vaxti bə Şeyx İsa Ğasımı jimon kardə vırə Əldoraz məntəğədə hucum kardən ki ım dave nəticədə 6 nəfər kıştə və 200 nəfərisə ve yarəjə və təğribən 300 nəfər həm dəstqir bedən.
