Çin iyən Rusiyə de anti İron sanksiyaon muxalifin

Çini ticorət vəzorətxonə Amerikə anti İron sanksiyaon barədə ıştə muxalifəti elonış karde iyən pidəşe ki həminə nadırıstə prosses isloh bıbu.

Çini ticorət vəzorətxonə sıxanəvot qıləy xəbə iclosədə votışe: Çin komilən Amerikə anti İron sanksiyaon barədə ıştə təəsufi bəyon iyən de zumandəti ıştə muxalifəti jığonə hərəkəton həxədə ibroz kardedə.Çini ticorət vəzorətxonə sıxanəvot əlovəş karde: Piken Vaşinqtoniku tələbış heste ki furi jığonə pesoxtə ğərolon isloh iyən bə Çini de İroni əloğədə bıə şəxson iyən şirkəton əleyh təsdiğ kardə bıə sanksiyaon ləğv bıko.Əv təkidış be ki Piken hukmən və de zumandəti ıştə şirkəton iyən şahrvandon həx-huğuğiku muhafizə bəkarde.Həminə mıvzu həxədə ijən Rusiyə prezident aparati sıxanəvon Dimitri Peskov həm de Rusiyə dıvləti kanali mısohibə cərəyonədə bə Maskvo iyən Tehroni miyono bıə stratejik əloğəon dəvomi işorə kardey holədə votışe: əmə ıştə dust iyən şərikon obəqətemon iyən de əvon bə ıco ıştə həmkari iyən əloğəon hifz və inkişof bədamon.