İroni zumandə rəkıtiyə zərbə bə Suriyədə terroriston.

İroni Sepah təşkilati qıləy bəyoniyədə bə Tehronədə dəvardə haftəon terroristiyə əməliyati reaksiya nışo doe xoto bə Suriyə Deyrəlzur məntəğədə lonə kardə bıə terroriston və çəvon siloh və təchizaton Amboon rəkıtiyə hucumiku xəbəş do.

Bə Sepah Niyuz raporti əsos Tehronədə tojə terroristiyə hucumi nəticəku ki İroni rujə əqətə milləti 18 nəfəri şəhadət ijən çand nəfəri zəxmin bey boiys bıə İroni Sepah təşkilat elanış kardə hiç qılə pokə xuni ru karde be cəvob ni bə mande.

Im bəyoniyədə ğeyd bıə: Sepah Suriyədə terroriston tənbı karde xoto bə Suriyə şərğədə Deyrəlzor məntəğədə bıə terroriston fərmondəhon, icma və intihoriyə maşinon soxtə mərkəz və bazaon de çand qılə miyonə məsofətədə hərəkət əkə zəmin-zəmin rəkıton hucumış kardə.

Sepah təşkilat bə Təkfiri-Vəhabiyə terroriston ijən çəvon məntəğə və məntəğəku xaric bıə həmpeymonon xəbə dortiş doə ki əqə bə İroni milləti əleyh ijən şeytoniyə hərəkəton dəvom peydo bıkə Sepah təşkilati inğilabiyə ğıyz və intiğami otəş çəvon və həmmə amilon sutnedə ijən cinoyətkoron bəştə karde əməlon cəzo bərəsən.

Bə rəse raporton əsos çandə terroriston ijən çəvon hərbi imkonaton ım hucumədə məhv və nabud bıən.

İjən təsdiğ bıə ki ım hucum de muvəffəğiyət çı terroriston hərbiyə bazaon vironəş kardə və həmmə rəkıton bə hədəf qıniyə.